فتح رضا عبد العال المدير الفني لنادي طنطا على هامش مباراة الفريق أمس أمام نادي النصر ضمن منافسات الجولة الخامسة بالمجموعة الثانية من دوري القسم الثاني النار على إدارة ناديه.
وحقق طنطا فوز قوي على فريق نادي النصر على ملعب الأخير بنتيجة كبيرة بأربع أهداف مقابل هدف وحيد.
وقال رضا في تصريحات تلفزيونية أمس عقب نهاية المباراة "قدرنا نفصل اللعيبة عن مشاكل النادي الموجودة، لحد قبل محاضرة المباراة كان في مشاكل، مفيش ولا لاعب أخد مليم من بداية الموسم، سواء مرتبات شهرية أو مقدم تعاقد".
وأضاف "انا صابر علشان المهندس فايز عريبي بقاله شهر ونصف مصاب بفيروس كورونا هو وزوجته، بس اكتشفت ان في ناس كتير مش كويسة، علشان هو غاب شوفنا ناس في مجلس الإدارة نفسيتهم مش كويسة".
وواصل "المرة الجاية هقول اسامي الناس دي ومش بخاف من حد، انا مش باكل عيش ومش عاوز اسيب النادي والراجل مش موجود، في حرب على فايز عريبي جوة النادي، احنا كسبنا النهادرة ومنعرفش هناخد مكافآت على لائحة الموسم الي فات ولا لائحة الموسم الحالي".
واستكمل رضا "في فضائح وفي معاناة جوة النادي، كان في مصالح وسبوبات السنة الي فاتت اتعملت، انا بناشد الناس يا تقفوا جمب الفرقة يا تقفلوها وتلغوا الكورة أحسن".