تحدث طه إسماعيل نجم الأهلي الأسبق عن رأيه في إمكانية تتويج فريق بيراميدز بلقب الدوري المصري خلال المواسم المقبلة.

وادلى شيخ المحللين بتصريحات عبر قناة " أون تايم سبورتس: "الدوري محتاج الفريق الذي يمشي بانتظام خلال مشوار البطولة مش يمشي على سطر ويسيب سطر".

وتابع:"بيراميدز حتى لو عنده افضل لاعيبة ممكن يكسب سنة تمشي معاه مرة انما يكسب على طول صعب".

وأضاف طه إسماعيل:" بيراميدز في مباريات صغيرة مش بيعرف يكسبها وده بيبن شخصية الفريق الكبير عن الفرق الصغيرة شخصية البطولة مربوطة بالنادي باللعب فيه".

وواصل:" دايما لما بتعمل حاجة جديدة مالهاش جذور لا مدينة بيلعب باسمها ولا جماهير له خالص وفي نفس الوقت لعيبة بتيجي من الشمال واليمين وكلها العملية المالية اللي مسيطرة على الموضوع والعملية المالية ممكن عاملة مشاكل مثلا رمضان ياخد اربعين أو عبد الله من جوه حتى لو متكلموش".

 واستطرد:" جبت نجم جديد طفرة وهو لعيب كويس مقدمش حاجة ياخد واحد زي تراوري هداف الفريق بيلعب هيبص يلاقي غيره جه أقل منه بياخد كتير علشان هنا اللاعب بيتاخد على البروباجندا ويضتخم فيه".

وحول قضية رمضان صبحي لاعب الفريق الأزرق الجديد :" رمضان صبحي ميستحقش 30 مليون لا هو ولا غيره أغلى لاعب في مصر 10 مليون رمضان مقدمش حاجة على الرقم ده ".