وجه أحمد حسام ميدو المدير الفني السابق لنادي الزمالك عدد من الرسائل تخص فريقه ورسائل أخرى أرسلها لمرتضى منصور رئيس مجلس إدارة النادي من خلال عدد من التغريدات.
وبدأ ميدو في توجيه رسائله لمرتضى منصور قائلًا " امير مرتضى اهم عنصر في منظومة نادي الزمالك في الفترة الاخيرة وادائه تطور بشكل كبير مع الخبرات اللي بيكتسبها مع الشغل..من اهم ميزاته انه يعلم كيف يتعامل مع رئيس النادي وبيفلتر المشاكل قبل ما توصله ودي ميزه مهمه جدا في ادارة الامور داخل نادي الزمالك ويمكن تكون الاهم!!".
متابعًا " اذكر المستشار مرتضى منصور بإن اللي دخلك في مشاكل كبيرة في ٢٠٠٥ هما المطبلاتيه اللي كانوا حواليك اللي كانوا بيحاولوا يستفيدوا منك وكانوا بيصدرولك المشاكل مستغلين طبيعة شخصيتك..انت عملت حاجات كويسه كتير ماتخليش الناس اللي بتستفيد من نادي الزمالك بس وتمص دمه تحاول توقعك مره تانيه".
وواصل ميدو حديثه " وجودك على رأس ادارة نادي الزمالك مهم جدا في التوقيت الحالي وحتى في المستقبل القريب!! وجودك صداع في راس الناس اللي بتحاول تهد نادي الزمالك منذ سنوات!! لازم تحافظ على مكانك بابعاد اصحاب المصالح من حولك من يعطوك النصيحة الخطأ ويقولون لك نعم وامين فقط من اجل مصالحهم الشخصية..".
مختتمًا "فتح الصدر بيودي في داهية وانت اكتر واحد عارف كده..مفيش حد كبير في البلد دي وانت اكتر واحد عارف كده!! حسني مبارك الله يرحمه ورجالته كلهم اتحبسوا.تاني خلي بالك لازم يكون حواليك على الاقل واحد بيقولك لا ده غلط..نصيحتي ليك انا عارف انه ابنك الصغير بس دائما قبل ما تتحرك اسمع كلام أمير".