ضياء السيد عن وجود حلمي طولان بقناة الأهلي: ما بحبش المثالية المدلدقة.. قناة الأهلي للأهلاوية ودي مش وجهات نظر



قال ضياء السيد لاعب الأهلي السابق ومدرب منتخب مصر السابق أنه لم يعرض عليه أحد الانضمام للعمل بالنادي الأهلي ولكنه أهلاوي ويحب النادي ويخدم النادي إذا عرض عليه ولا يلوم أحد على هذا الأمر.

وأوضح ضياء السيد في تصريحات لإذاعة أون سبورت اف ام: "ألومهم انهم مثلا يجيبوا الكابتن حلمي طولان في قناة الأهلي يحلل، كابتن حلمي صديقي جدا وحبيبي ومدرب رائع ومثل أعلى ليه، لكن أنا قناة الأهلي ما بحبش المثالية المدلدقة ما بحبش المثالية اللي فيها تمثيل".

وأضاف ضياء السيد: " قناة الأهلي تبقى بتاعت الأهلي، فيه لعيبة أهلي كتير جدا يروحوا ما بتكلمش عن ضياء السيد، ما بحبش انه يبقى فيه مثالية زيادة عن اللزوم وده مش هيقلل من كابتن حلمي أبدا ده راجل كبير جدا، انا باتكلم عن اللي خد قرار زي ده قناة الأهلي تبقى بتاعت الأهلي والأهلاوية ، والأهلاوية كتير جدا كتير جدا ما بيروحوش والله ما بقول علشان ضياء السيد يروح".

واختتم ضياء السيد تصريحاته: " الحاجات المدلدقة بزيادة دي ما اعتقدش، النادي الأهلي كبير دي مش مثالية و مش وجهات نظر محدش يقلي عاوزين ناخد وجهات نظر أخرى، مالهاش علاقة، من فضلكم ياريت تغيروا القرار ده".

وظهر حلمي طولان مدرب الزمالك السابق ومدرب انبي الحالي خلال الأستوديو التحليلي لقناة الأهلي لمباراة القمة الأخيرة ببطولة الدوري.

استطلاع الراى


موقف الأهلي في المجموعة بدوري أبطال أفريقيا
دوري أبطال أفريقيا - 2020/2021