رد وليد سليمان صانع العاب النادي الأهلي على التقارير التي خرجت في الأيام الماضية تؤكد طلبه من مسئولي القلعة الحمراء بالحصول على شارة القيادة بدايًة من الموسم المقبل تقديرًا لجهوده.

وقال الحاوي في تصريحات لقناة النادي الأهلي أمس الأحد "مستحيل الكلام ده، مستحيل إني أكون طلبت شارة الكابتن أو إني أفكر في إني اطلبها لإن في نظام في النادي لا يمكن تجاوزه".

وتابع "في الأهلي كلنا اخوات وكباتن بعيدًا عن الشارة، الكل بيشتغل علشان خاطر النادي مش علشان خاطر شارة كابتن أو غيره، الكلام ده مش موجود في الأهلي".

وأستكمل سليمان "احنا بندي الفرصة للعيبة الصغيرة ان يكون ليهم مساحة رأي ويقولوا وجهة نظرهم وبنستمع ليهم".

واستشهد وليد سليمان بعدم ضرورة ارتداء شارة الكابتن للنادي الأهلي قائلًا "عمرنا ما نتكلم في مين ياخد شارة الكابتن ومين لا، أبو تريكة الي هو من أعظم اللعيبة مكنش كابتن للنادي، اللعيبة كلها كبار".