أبو مسلم لحسام عاشور: الي حصل ده ميطلعش منك.. الأهلي جابنا من الشارع محدش كان يعرفنا



انتقد أحمد أبو مسلم الظهير الايسر السابق للنادي الأهلي تصريحات حسام عاشور قائد خط وسط المارد الأحمر الأخيرة والتي تسببت في موجة غضب كبيرة من جانب جماهير النادي.

وقرر حسام عاشور التراجع عن قرار اعتزاله بنهاية الموسم الحالي والاستمرار في الملاعب بعد أن كان قد قرر تعليق حذاءه بقميص القلعة الحمراء.

وكشف في فيديو نشره عبر صفحته الرسمية على مواقع التواصل الاجتماعي منذ يومين عن وجود عرض سعودي وآخر برتغالي للانضمام لأحدهما في الموسم المقبل.

ومن جانبه قال أحمد أبو مسلم في تصريحات خاصة لقناة الحدث اليوم امس الجمعة "عاشور أدى للأهلي كتير وجاب بطولات كتير، لكن الأهلي هو الي خلا اسم حسام عاشور كبير بالشكل ده زيه زي باقي اللعيبة الي لعبت للنادي".

وتابع "تعامل حسام عاشور في الاعلام لم يعجبني ولم يكن بشكل احترافي، النشاط الرياضي متوقف من الأساس ومباراة الاعتزال لن تقام قبل 4 أشهر على الأقل، ليه الاستعجال؟ خصوصًا ان الأهلي الي عرض عليك الامتيازات دي من نفسه تقديرًا ليك".

وأستكمل أبو مسلم "مينفعش بعد امتيازات الأهلي الي اتقدمت لك تطلع تقول الأهلي بايعني وانت عارف ان الأهلي مش بيعمل مباريات اعتزال لحد، الكلام ميبقاش بالأسلوب ده مع النادي الأهلي ونتكلم في الغرف المغلقة، مينفعش الي حصل ده يطلع منك إنت، حسام عاشور ابن من أبناء الأهلي".

وردًا على ما قاله حسام عاشور بإن "الأهلي اخده لحم ورماه عضم"، قال أبو مسلم "الكلام ده مش صح، الأهلي خيره على الناس كلها وجابنا من الشارع ومحدش كان يعرفنا".

وأختتم أبو مسلم تصريحاته "مينفعش تطلع تتكلم يا عاشور وانت زعلان، من حقك تدور على مصلحتك بس بشكل أهدى من كدة وانت متعرفش ظروف الناس حواليك".

استطلاع الراى


رايك في مفاوضات الأهلي مع طاهر محمد طاهر لاعب المقاولون
الدوري العام - 2019/2020