القيعي والمنيسي يفتحان النار على نادر السيد: مش هنسكت على كلامك وعوضناك بطولات وشغل



فتح الثنائي عدلي القيعي وإبراهيم المنيسي مقدما برنامج ملك وكتابة على شاشة قناة النادي الأهلي النار على نادر السيد حارس مرمى الأهلي والزمالك ومنتخب مصر السابق.

وخرج نادر السيد في أكثر من حوار تلفزيوني وصحفي في الفترة الماضية يتبرأ من فترة لعبه بقميص النادي الأهلي ومدعيًا بأنه لم يحصل على حقه داخل القلعة الحمراء وان انتمائه الأول والأخير لنادي الزمالك نادمًا على قراره باللعب للمارد الأحمر.

وبدأ المنيسي حديثه بعرض مقطع فيديو سابق لنادر السيد أجراه مع قناة الأهلي أشاد فيه بمسئولي النادي وفترة لعبه بقميص الفريق وهو ما يتنافى مع تصريحاته حاليًا، ليعلق المنيسي قائلًا "انت جيت للأهلي وانت حارس مرمى منتخب مصر في آخر مباراة اتلعبت، مكنتش جاي عاوز تبقى حارس مصر زي ما بتقول، من حقك تشوف مصلحتك بس أرجوك حافظ على قيمة الاحترام".

وأضاف "انت عشت أيام كويسة مع الأهلي، رحت كأس عالم للأندية واخدت بطولات، مش علشان ترجع الزمالك تقرر ترمي طوب على الأهلي وتنال من أفراده، مش هنسكت على كلامك ده".

واستكمل القيعي ما قاله المنيسي "لما نادر جه الأهلي مكنش السبب انه يحفز عصام الحضري زي ما اتقال، بالعكس السبب هو ان كان في مشكلة كبيرة بين الجهاز الفني وعصام وقتها وقولنا لازم نجيب حارس مرمى ومكنش في أحسن من نادر السيد موجود وكان بيلعب في المصري مش الزمالك، المشكلة مكناش عارفين هتتحل امتى".

وتابع "من حظ نادر السيء انه وقع مع وحش تدريب وهو عصام الحضري، عصام أخد وجود نادر في الأهلي بعند كبير وأكل نفسه في التدريبات ومكنش في قدام الجهاز الفني غير انه يدفع بالحضري مع تجنب المشاكل لأنه كان الأفضل ومحدش قدر يقعده وقتها لحد السنة الي فاتت".

وأردف مستشار التعاقدات بالنادي الأهلي "الي اتعمل لنادر بعد ما قرر الاعتزال وأدرك انه مش هيقدر ينافس الحضري متعملش للاعب غيره، عملنا شركة الأهلي للإنتاج الإعلامي كأول نادي ياخد القرار ده وكانت فكرتي وقرار مجلس الادارة اتاخد أنى مدير الشركة وبعدها فوجئت بكابتن حسن حمدي يخبرني بأن القرار هيتعدل وهستمر في ملف الكورة ويصبح نادر هو مدير الشركة، وبعد 4 شهور نادر مشي ومقدرش يعمل حاجة".

وواصل القيعي "الأهلي مسابش نادر بعدها واشتغل في قناة النادي، الفرص دي محدش اخدها زي نادر السيد".

وأختتم عدلي القيعي تصريحاته "الأهلي لم يسيء إليك وكان عارف قيمتك من الناحية الفنية، ممكن متكونش أخدت الي انت طالبه بس انت كمان مديتش الأهلي الي هو عاوزه، بس انت اتعوضت ببطولات وشغل".

استطلاع الراى


هل يتجه الزمالك إلى الفيفا أو المحكمة الرياضية من أجل استرجاع لقب نادي القرن الأفريقي؟
الدوري العام - 2019/2020