تحدث الإعلامي عمرو أديب عبر قناة إم بي سي مصر عن أزمة أرض الزمالك في أكتوبر وبيان النيابة العامة التي أصدر اليوم بشأن هذه الأزمة.
وقال عمرو أديب:" أرض الزمالك انتهت زي ما انا شايف إيدي كده الأرض دي مش موجودة تاني والموضوع خلص، مفيش أرض أكتوبر حاجة تاني ترقى للمعلومة، أنا عارف إن فيه أرض بديلة محددة للزمالك ناس كتير من جمهور الزمالك هيقولي يا عمرو اتخليت عن الأرض انا متخليتش عن فلسطين، الأرض فيها مشكلة انا راجل واقعي".
وأضاف:" احنا لغاية امبارح بنسمع الزمالك، النهارده بيان النيابة كاشف وانه يا جماعة الموضوع ده فيه مشكلة ويبدو انها طويلة، أنا انسان واقعي جدا، هتقولي احنا ابتدينا انشاءات النيابة بتقول 2% وانت بعت والفلوس خدتها.
وأردف:" يبخت من زعلني وبكى الناس عليه ولا فرحني وضحك الناس عليه، انا عاوز أبكيك والناس تبقى واقعية صريح وواضح ومباشر والخبر الوحش دايما بيبقى من نصيبي، تحركوا يا مجلس إدارة الزمالك ولا تستقيلوا ولا تتخلوا عن مسئولياتكم".
وأوضح:" الناس اللي اشترت استثمارات جوه أرض الزمالك، هي جهات عامة وده مكتوب في بيان النيابة، الآن بصدد الناس اللي اشترت هتاخد فلوسها منين، بنوك كبيرة وشركات مصرية اشترت في أرض الزمالك فلوسها راحت فين؟".
وأزاد:" الآن عندما يتم وقف هذا المشروع على الأرض ده معناه ان الناس دي مش هتاخد فلوسها دلوقتي بنتكلم على 3/4 مليار مجمدين ومش هنقول ضاعوا، لما تاخد أرض بديلة هبقى أديك تاني في الدور التحتاني، نحن الآن في وضع سىء، الأرض قد ضاعت إلا اذا حدث شىء أمر فوق إرادتنا لكن لا أرض".