علقت نيرة الأحمر، عضو مجلس إدارة نادي الزمالك، على استضافة قناة النهار للبرتغالي يانيك فيريرا، المدير الفني الأسبق للزمالك، والحديث عن الأزمات التي كانت متواجدة أثناء فترته مع الفريق الأبيض.

وقالت نيرة عبر قناة الزمالك: " هل الزمالك هو الوحيد اللي مشي من عنده مدرب وكان ليه مستحقات فيه أندية دفعت عقود بالكامل وكان ده الشرط الجزائي ومحدش اتكلم محدش قال ازاي يا جماعة العقد معمول كده."

وأضافت: " ازاي تعمل عقد الراجل رقمه الشهري كبير وفي كاس العالم أخفق وجايب صفقات كلها نجوم ومعلمين طبيعي ما تنسجمش مرة واحدة لما نيجي ونسأل ازاي التعاقد ده تم زي خالد بوطيب اللي مقعدش شهرين وخد عقده بالكامل بعد شكواه للفيفا."

وتحدثت عن موقف ريبيرو مع الأهلي: " ازاي تعمل عقد الراجل رقمه الشهري كبير وفي كاس العالم أخفق وجايب صفقات كلها نجوم ومعلمين طبيعي ما تنسجمش مرة واحدة لما نيجي ونسأل ازاي التعاقد ده تم زي خالد بوطيب اللي مقعدش شهرين وخد عقده بالكامل بعد شكواه للفيفا."

واستكملت نيرة الأحمر: " متكلمناش عن كولر وريبيرو؟ اصل همه ما اشتكوش للفيفا، هيشتكي للفيفا ليه ما هو واخد عقده كامل هل التعاقد كان سليم من البداية بس احنا هنمسك في الزمالك. مرتب يانيك فيريرا عادي الشرط الجزائي 3 شهور عادي، انت لما تتكلم عن تعاقد في حالة الفسخ ياخد عقده بالكامل دي مشكلة يا ترى اتكلمنا عن المشكلة دي؟."

وأوضحت: " ياباشا اصل هو مشتكاش للفيفا، هو ده معيار انه مشتكاش للفيفا طيب انت ظروفك المالية تمام وعندك 4 فروع والدنيا زي الفل ومعندكش مشاكل مالية، الزمالك عنده مشاكل مالية وطبيعي مش هيديله الفلوس حالا."

وأتمت حديثها: " هو ده السبق انك تجيب فيريرا طيب كولر عامل ايه؟ مين اللي عامل التعاقد ولا فيه اهدار مال عام؟."