فتح حسام حسن المدير الفني للمنتخب الأول لكرة القدم النار على الأصوات التي تهاجم المنتخب في الفترة الأخيرة.
وبعد التجربة الودية الأخيرة في بطولة العين الدولية الودية في الامارات والهزيمة امام منتخب أوزبكستان خرجت بعض الأصوات التي هاجمت وخصوصا بعد الشكل السيء الذي ظهر عليه المنتخب امام المنتخب الاسيوي والهزيمة بهدفين مقابل لا شيء.
وعبر قناة اون سبورت تحدث حسام حسن بقوة قائلا: " في البداية سواء كسبنا الماتشين او خسرنا الماتشين دي ماتشات تدريب وتعديلات وزي ما قولت انا بعتمد علي كل اللاعيبة الموجودة والمصابين منتخب مصر مش عاوز يبقي في مشكلة في الاصابات عندي اصابات عندي تيم بحاله ، مبروك للمصرين اللي بجد في تيم بيتعمل واللي متعرفوش ان منتخب مصر من فترة طويلة في ناس اتاخرت اوي ان تضخ لاعيبة جديدة.
وتابع حسام حسن: " البهوات اللي بيقعدوا في الاستوديهات في ناس قلبها حلو ومحترم طيبة وبتحب مصر احنا بنقول للناس الطيبين احنا بنجرب وبنشوف الطرق اللي بنلعب بيها والمشاكل اللي عندنا في حالة اللاعيبة المصابين عندنا تيم بحاله مصاب انت النهاردة لما المنغرب حكيمي بيغيب بيقولك حكيمي غاب انا عاوز الناس تهدي شوية اللي بيحيبوامصر عادي لكن في دايرة كدة ناس نفسية وحشة اوي.
وواصل المدير الفني للمنتخب حديثه الغاضب " بدخل شحاتة وفيصل وزلاكا ومصطفي شوبير اية المشكلة انتوا الناس الوحشة بتصبر لية علي الاجنبي انا مباخدش رزق حد الجهاز بيموت نفسه ويتعب انا سكت كتير هيطلعلي واحد يقولي تصريحاته انا بقولك اة انا عامل زي المدربين الاجانب وهشتغل كدة عشان بلدي.