يرى محمد الدماطي عضو مجلس إدارة الأهلي أن الأحداث التي صاحبت أزمة منصة التتويج برفض زيزو تحية هشام نصر نائب رئيس الزمالك "مبالغ فيها".

وأوضح الدماطي في تصريحات لبرنامج "الكورة مع فايق" عبر ام بي سي مصر 2 " أنا شفت زيزو بعد المباراة راح سلم على الجهاز الفني للزمالك وراح سلم على اللعيبة كلها وشفناه مع الكابتن أيمن يوسن فواضح ان مفيش أزمة مع المنظومة بشكل عام وممكن يكون مشاكل مع أفراد معينة وأتمنى التصرف نعديه مفيش حاجة كبيرة وشايف ان فيه بعض المبالغات، راجل مضغوط، وفيه خلفيات أكيد إحنا ما نعرفهاش، خلفيات داخلية وقت تجديد التعاقد وخلافه والكلام ده كله هو أدرى بيه الواقعة عدّت وخلاص."

وأشار عضو مجلس إدارة الأهلي: " زيزو لاعب احترافي بحق، من اللعيبة اللي فعلاً محترفة وبتاخد بالها من نفسها، وعقلية فعلاً تستاهل إنها تبقى موجودة في النادي الأهلي، امبارح كان من أفضل اللاعبين في الملعب، وربنا كلل تعبه بأول بطولة ليه مع الأهلي يستاهل، وفي الهدف الأول كانت له بصمة واضحة، وكان أفضل لاعب في المباراة. أعتقد إن ده لكل مجتهد نصيب، ولما لاعب يتحمل الضغوط دي كلها ويطلع بالشكل ده، يستحق التقدير 100%."

وأشار عضو مجلس إدارة الأهلي: " التجاوزات اللي حصلت، الكورة بيحصل فيها كده بس كانت زيادة شوية امبارح وبنشوفه  لكن في الآخر دايمًا الأهلي والزمالك لهما طعم مختلف، والواحد بيبقى مبسوط لما بيفوز على الزمالك، حتى لو الزمالك مش في حالته الطبيعية، حتى لو الناس ممكن تقول إن الأهلي فريق إمكانياته أكبر أو قيمته السوقية أعلى، لكن دايمًا بقولك: في الملعب الانتصار امبارح ما كانش سهل، والحمد لله قدرنا نتوَّج في الآخر بالبطولة."

زيزو يتجاهل هشام نصر في تتويج الأهلي بالسوبر ورد فعل نائب الزمالك