تحدث وليد صلاح الدين، مدير الكرة بالنادي الأهلي، عن كواليس المفاوضات مع المدير الفني الدنماركي يِس تروب، مؤكدًا أن القرار جاء بعد دراسة دقيقة واجتماعات مطولة شارك فيها عدد من رموز النادي.

وقال وليد خلال ظهوره عبر قناة الأهلي:"عملنا زوم ميتنج طويل جدًا مع مستر يِاس سوروب، وكان الكابتن محمود الخطيب متابع كل حاجة وتركنا ندير الحوار بالكامل، والراجل ده كلنا استريحناله، وأنا كنت من أكتر الناس المؤيدة ليه، والقرار اتخذناه بعد قناعة تامة من الجميع".

وأضاف:"اتفقنا إن محدش ييجي وسط الخمس مباريات اللي كان فيهم الزمالك، لأن صعب جدًا مدرب يبدأ بماتش كبير وكل 3 أيام عندك مباراة، فقررنا نخلي الكابتن عماد النحاس يكمل لحد فترة التوقف، وده كان قرار صادق جدًا مع جمهور الأهلي».

وأوضح مدير الكرة أن الاجتماع حضره كل من مختار مختار، زكريا ناصف، يوسف عبد المنعم، وأسامة هلال، فيما تولى عبد الله شحاتة ترجمة الحوار ومتابعة الجوانب القانونية.

وأشار وليد إلى أن سوروب قدم فكرًا مقنعًا للغاية خلال اللقاء، قائلًا: "سألناه لو عندك فكر معين واللاعيبة مقدرتش تطبقه هل عندك مرونة؟ قال حصل ده في أوجسبورج غيرت من 4-3-3 لـ 3-4-3".

وتابع: "ولما مسكت كوبنهاجن لعبت بهجوم شرس جدًا. الراجل كل ردوده كانت مقنعة، وشفناه على الخط وشخصيته قوية جدًا، وكمان بيتعامل مع الميديا بأفضل ما يكون، وده مهم جدًا لأن الإعلام عندنا شرس".