عبّرحسام غاليعضو مجلس النادي الأهلي ، عن استيائه من بعض السلوكيات المنتشرة مؤخرًا عبر البودكاست ووسائل الإعلام، مؤكدًا أن هذه الممارسات تُساهم في نشر الفتنة وتسيء لقيم الرياضة المصرية.
وقال غالي، خلال مداخلة إذاعية،:"طبعًا أنت بتتكلم على وزير الرياضة الأسبق خالد عبد العزيز، راجل منضبط جدًا، أنا أعرفه معرفة شخصية وأتشرف بها، راجل عنده فكر راقٍ وأتمنى له التوفيق".
وأضاف:"في بعض الآراء بتعمل فتنة، والشخص اللي بيطلع على الهواء لازم يخلي باله، ما ينفعش يقول أي حاجة وخلاص".
وأبدى استياءه من ظواهر سلبية منتشرة في بعض البودكاست الرياضي، قائلًا:"بشوف على البودكاست بعض الصفارات، دي مش عاداتنا وأتمنى نشيلها من عندنا خالص".
وتابع":"شايف إن الناس بتتكلم عن إيه؟ دخلات وقصف جبهات! واحد بيطلع ينتقد مدربه، أو زميله اللي بيلعب معاه.. لو عندك مشكلة مع حد، يكون بينك وبينه. ده غريب جدًا على ثقافتنا".
واختتم":"أي حد عايز يتسمع أو يعمل تريند أو يثبت نفسه، لازم يجرح في زميله أو مدربه! دي بالنسبة لي علامة استفزاز كبيرة، وأنا لو عندي مشكلة مع حد مش هطلع أتكلم عنه على الهواء. لازم نتخلص من الظواهر دي فورًا".