أكد محمد شريف، مهاجم الأهلي العائد من الخليج السعودي، أنه يدرك تمامًا حجم المنافسة القوية داخل صفوف القلعة الحمراء، مشيرًا إلى أن وجود أكثر من لاعب مميز في كل مركز هو ما يصنع تميز الأهلي ويحافظ على مكانته.

وقال شريف، خلال ظهوره في برنامج "حارس الأهلي" مع الإعلامي أحمد شوبير:"أكيد عارف حجم المنافسة المرة دي، وطول عمر النادي الأهلي عنده في كل مكان أكتر من لاعب مميز، وده اللي بيخلي الأهلي دايمًا في مكانة كبيرة."

وأضاف:"أنا جاي وعارف إن فيه منافسة قوية جدًا مع زمايلي، وإن شاء الله بوعد الناس إنهم هيشوفوا حد مختلف الفترة الجاية."

وتحدّث شريف عن زيارته لمقر النادي بالجزيرة قائلاً:"ما قابلتش حد غير كابتن محمود الخطيب، وكابتن محمد يوسف، وكابتن ريبيرو، ولكن العاملين في النادي كانوا موجودين وفرحوا بوجودي جدًا."

وأشاد بعلاقته القوية بالعاملين داخل النادي قائلاً:علاقتي بيهم كويسة حتى بعد ما مشيت، وإحنا بنتواصل دايمًا، وبيحبوني بصراحة. الناس دي من الناس المهمة جدًا في الأهلي اللي محدش واخد باله منها."