أكد مصطفى شوبير، حارس مرمى النادي الأهلي، أنه يحترم أي قرار يتخذه النادي بشأن مستقبله خلال الفترة المقبلة، مشددًا على أنه تحت أمر القلعة الحمراء في أي وقت.
وقال شوبير، خلال تصريحاته لقناة "أون تايم سبورت":مصيري في الفترة القادمة في يد النادي الأهلي، ومش عاوز أقول كلام دبلوماسي، لكن القرار في إيد النادي، وهحترم القرار طبعًا. دايمًا حابب تكون موجود في الملعب وتلعب، وكده كده في منافسة، وإن شاء الله اللي جاي يكون خير."
وأضاف:"أنا تحت أمر النادي في أي حاجة، ومعتقدش إن هيكون في مشاكل، الموضوع بالكامل في يد الإدارة، واللي النادي شايفه صح هيتنفذ في الآخر، كده كده هنتفق ونشوف الصح للنادي وليا إيه، وعلى أساسه ناخد القرار إن شاء الله."
ويلتقي الأهلي مع إنتر ميامي الأمريكي في افتتاح مباريات كأس العالم للأندية المقرر إقامتها في الثامنة مساء يوم 14 يونيو بتوقيت أمريكا - الثالثة صباح يوم 15 يونيو بتوقيت القاهرة.
ويتواجد الأهلي ضمن المجموعة الأولى في بطولة كأس العالم للأندية رفقة أندية، إنتر ميامي الأمريكي، وبالميراس البرازيلي، وبورتو البرتغالي.