كشف الإعلامي أحمد شوبير حارس الأهلي الأسبق ومنتخب مصر عن توقعه لنتيجة الاجتماع المزعم يوم 18 مايو بعد ثلاثة أيام من الان.
وقال شوبير عبر أون سبورت إف إم: " احمد شوبير عبر اون سبورت اف ام:"الرابطة قررت انها تعقد الاجتماع يوم 18 بعد 3 ايام من الان انت تتصور ايه القرارات اللي هتصدر من الرابطة لأنها في الاخر هي بتشرك الاندية".
وتابع: "احنا عندنا في مصر العاطفة جياشة ، انا هقولك توقعي ومش هقول رأيي بس هقولك حاجات ممكن تحصل في المستقبل، لأن لما الرابطة هتعمل ده هقولك رد اتحاد الكرة هيكون ايه".
وأضاف: "لما يجتمعوا الاندية النادي الوحيد اللي هيقولك كمل على النظام اللي اشتغلت عليه السنة اللي فاتت النادي الاهلي ، طيب وبعدين ، هتيجي الاندية تقولك الموسم استثنائي ومش استثنائي والقصة والحدوتة فعليك ان تلغي الهبوط هذا الموسم"..
وأكمل: "طبعا الرابطة مش هتدي في نفس اليوم القرارات هتاخر وتتقل رجلها شوية وانا الصراحة لازم تديني اوسكار لان انا قولتلكم السيناريو دة من بدري اوي وفي تغير في الدوري والهبوط اعتبره اتلغي قولتلكم افتكروا تاريخ الحلقة ، ادي اللي هيحصل"..