كشف خالد بيبو عن حقيقة مفاوضاته مع اللاعبين التي كانت أن تقترب عقودهم من الانتهاء أمثال رامي ربيعة والشناوي وأكرم توفيق.

وقال خالد بيبو في تصريحات في قناة الأهلي: "رامي كان ليه موقف مختلف، رامي كان قعد فترات طويلة جداً ما كانش بيلعب، كان مصاب وكان بيتعالج".

وتابع: "أحسن موسم عمله رامي في تاريخه جوّه النادي الأهلي كان السنة اللي فاتت، يعني فاهم إزاي؟ وكان رامي بيجدد سنتين في سنة، يعني سنة في سنة

وأضاف: "رامي آخر عقد ليه من سنتين ما كانش فيه اللي هو إيه، كان محطوط له شرط إن هو لازم يعدي 80% من الماتشات عشان أجدد له السنة التانية.

فرامي كان يعني السنة بتاعته كان فاضل له سنة، يعني في سنة كاملة لسه كانت. سنة ولا سنة، برضه كانت... بس هو رامي، أنت كنت في الأول زي ما بقول لك، هو كانت إصاباته كتيرة جداً، لكن ما قعدتش مع رامي.

وأكمل: "قوفا، أنا قعدت معاه، قوفا فاضل له تلات سنين، لإن قوفا نمرة اتنين، نعم، فلازم تغير له عقده. قوفا عقده صغير جداً، كابتن خطيب، قال لي: "لازم، آه، لازم مصطفى شوبير يجدد له عقده.

وزاد "لازم عقده يتناسب مع إن هو، الحارس دلوقتي نمرة اتنين موجود، ولعب بطولة والكلام ده كله، "فلازم يجدد له، وهو مكنش عنده مشكلة في ده".

وأشار: "الشناوي برضه، الشناوي روحنا وجينا في حاجات كتيرة طبعاً، وهو طبعاً يعني كان فيه حاجات، فيه تفاصيل طبعاً مش هقدر أقولها، إنما برضه ما كانتش الأمور بالنسبة له صعبة".

وأكمل: "أكرم، أكرم أنا قعدت معاه كذا مرة وقعدت... يعني أكرم على فكرة كويس أوي، هما العيلة كده، بييجوا يقعدوا، بس أكرم أنا وصلت معاه لـ dealده، واضح ليه وكنا اتفقنا خلاص على كل الكلام، وسلمت بقى طبعاً خلاص النادي".