كشف الإعلامي أحمد شوبير حارس الأهلي الأسبق ومنتخب مصر عن تفاصيل مكالمة محمود الخطيب وحسام عاشور وموقفه من الرجوع للنادي.
وقال شوبير في برنامجه "حارس الأهلي" على قناة الأهلي مخاطبا عاشور: "علمت ان كابتن محمود الخطيب كلمك وسلم عليك يا عاشور".
ليرد عاشور: "ايوة انا فرحت جدا إن كابتن محمود الخطيب كلمني واطمن عليا ده رئيس النادي مبسوط جدا انه اتصل بيا واطمن عليا وخلى الدكتور محمد شوقي يتابع الحالة اللي انا فيها وهو معايا علي طول في تواصل يعني ، سلم عليا الاول بعد كدة قالي انت تعبان خلي دكتور محمد شوقي يتابع معاك وحاول يرتبلي الطريقة العلاجية".
وتابع عاشور: "ان كابتن الخطيب يتصل بيا اكيد اي خلاف داب زي ما بيقولوا انا كنت مبسوط جدا إن كابتن الخطيب يتصل بيا ويطمن عليا يبقي خلاص مفيش خلافات الحمدلله".
وأضاف: "قريب اوي تشوفوني في النادي الاهلي وفي اقرب وقت انا هكون في النادي الاهلي ده بيتي وانا قعدت في النادي اكتر ما قعدت مع اهلي وقريب بإذن الله ابقي في النادي الاهلي".
وأكمل: "المطلوب في الدوري التركيز الفرصة جاتلنا تاني والفرصة مبتجيش كتير لازم نركز ونعمل اقصي ما بوسعنا منخليش نجيب جون لازم نجيب التاني والتالت والرابع انا من الجمهور ببقي قاعد علي اعصابي لما بتبقي واحد صفر بس".
وأشار: "قريب دول ماتشين نركز فيهم نحاول نكسب الماتشين وبعدين ربنا يسهلها ، مباراة طلائع الجيش وكنا خسرانين بس كان عندنا اصرار وتركيز مينفعش الماتش ده يخلص واحنا مش كسبانين الحمدلله اللاعيبة كلها مركزة والحمدلله اللاعيبة الكبار والصغيرين".
واختتم: "ادارة النادي الاهلي انا بشكرها جدا كابتن محمود الخطيب علي كل الدعم الكبير وانهم يطمنوا عليا دي حاجة تبسطني جدا النادي الاهلي جمهوره احسن جمهور في العالم احنا اتعرفنا واتعملنا اسم وسيط بجمهور الاهلي واتمناله يبقي فرحان علي طول الفترة الجاية".