أكد المدير الفني للنادي الأهلي السويسري مارسيل كولرأن القلعة الحمراء نادي كبير جدًا ونتملك جهاز فني عظيم بيعمل كل حاجة ومش لوحدي بعمل كل دة.وقال كولر عبر لقاء تلفزيوني مع إبراهيم فايق: معايا الجهاز الفني ومعانا العمال وناس كتير خلف الكواليس بيبقو زي خلية النحل والنمل بتشتغل كتير وبتعمل كل حاجة علشان خاطر أننا ننجح فيه ناس بتعمل شغل الصعب الي بينضفو غرف الملابس الي بتجيب المشروبات والي بيشيلو الشنط دول بيتعبو معانا وكلها حاجات مهمة بتشكل المنظومة ومعانا إدارة النادي ورئيس النادي بيدعمنا طوال الوقت.وتابع كولر: مفيش فرد واحد بس مهم مش بس الي بيجيب جون مهم بالطبع ممكن يكون المهم أن المهاجم يجيب جون ولكن المهم ان المنظومة ماشية صح وكل واحد محتاج يكون مبسوط بالمكان الي بيشتغل فيه وكل حاجة لو مظبوطة وبنساعد بعض هنقدر ننجح.وأضاف: لما يبقى عندك ٣٢ لاعيب كلهم نجوم الأمور بتبقي صعبة 11 بس الي بيلعبوا وفي مباراة الترجي مكانش فيه غير 20 من القائمة الي ينفع يتواجدو ولكن هما ساعدونا على تحقيق النجاح القايمة كلها ساعدتنا حتى الي كان مصاب وانا مثلا ممكن اختار لاعب على حساب لاعب لأني محتاجه تكتيكي أكتر.