أكد مدير الكرة بالنادي الأهلي خالد بيبو أن 80 % من الأخبار التي تنتشر عن الفريق في المواقع والإعلام غير صحيحة وهي شائعات ولم تحدث.
وقال بيبو في مداخلة هاتفية عبر أون تايم سبورتس: ٨٠ % من الأخبار المنتشرة إشاعات ولم تحدث وبشوف أخبار بستغرب لأنه مش بيحصل والموضوع صعب وطول الوقت مطالب بالتصحيح ودة مش طبيعي ومش اسلوبي أن أعد طول النهار اوصل الدنيا هادية وبنبين كل دة بالشغل وتصرفات اللعيبة ولا يوجد أي أزمة في الفريق واي خبر إيجابي طبيعي إنما الخبر السلبي بيبقى تريند وبطلب منهم تتحرى الدقة وأنهم يراعو ربنا.
وتابع بيبو: قرأت خبر ان هناك إجتماع من لجنة التخطيط والمدير الفني مارسيل كولر وقيل ما حدث في الاجتماع، ومكانش فيه اي اجتماع من الأساس،وانا مش شايف حد بيعتذر عن الخبر الخاطئ لا دة بيكمل أخبار غلط تاني علشان الترند ودة موضوع صعب واتا عارف ان لاعيب الكورة دايما مسار بالإشاعات لاني كنت لاعيب ورأيت كل هذا.
وأكمل بيبو حديثه قائلًا: طبيعي جدًا أن عقود الأجانب بتبقي بتواريخ وعانينا في مصر بسبب تأخير الدوري لأن عقود الأجانب بتنتهي ٣٠ /٦ وأتمنى واحنا بنقول أخبار نبقى واثقين منها ولو غلطت صلح الخبر الكل بيغلط بس اعتذ.
وأضاف بيبو: لا يوجد شخص اتهاجم قدي واستغربت من الهجوم انا راجل لعبت في النادي واشتغلت في قطاع الناشئين وعمري مكان عندي مشاكل واتفاجئت من بعض المواقع والإعلامين بالهجوم واحنا بنكسب وفيه استقرار مش بيتكب حاجة كويسة واوضة اللبس تمام وأول هزيمة أنا اول شخص بتشتم، ايه هو الهدف وليه من دة وليه العداوة دي ومش عارف ليه.
وأردف بيبو: محدش بيشوف حاجة كويسة ليك هو خد قرار ان أنا منفعش وهو بيعد يدورلك على أي خبر مش كويس علشان الناس تمشي وراه ومش بيفرق معايا خالص، ومش مضايق من الموضوع لأن دماغي كبيرة اوي بس أنا مستغرب ليه بيحصل كدة.
واختتم بيبو: احنا في الأخر كل واحد ليه دور وليه وقت بيشتغله وكلنا هدفنا هو الأهلي وعارف الي بيخبط هدفه أن يكون فيه قلق جوة الأهلي.