أكد محمود عبد المنعم كهربا لاعب الفريق الأول لكرة القدم بالنادي الأهلي، أنه لم يتدخل لإقناع إمام عاشور للانضمام إلى صفوف القلعة الحمراء.وتم توجيه سؤالًا لكهربا خلال تواجده في برنامج "حبر سري" جاء نصه: "جمهور الزمالك بيقول أن كهربا ملأ دماغ إمام عاشور وأقنعه يوقع للأهلي ايه رأيك في الكلام ده؟".ورد كهربا: "دايما بيتقال عني الفترة الأخيرة الكلام ده لكن الكلام ده غير صحيح لأن إمام عاشور أخويا وحبيبي مش من فترة طويلة لكن قربنا من بعض في الفترة الأخيرة وهو رجع من الاحتراف على النادي الأهلي وأي فريق يتمناه هو لعيب كبير".وأكمل: "لما خد رأيي قولتله تنور النادي وأنا أكتر واحد هساعدك وربنا كرمه آخر كرم ونجح وبقى أحسن لاعب في مصر".وواصل: "قولت صفقة إمام عاشور للأهلي أحسن 100 مرة من صفقة عبد الله السعيد للزمالك؟ لأن إمام عاشور سنه صغير وإمكانياته تأهله أنه يلعب في أكبر أندية العالم وهو لعيب كبير بالنسبالي ومن وجهة نظري هو صفقة أفضل جدا".واختتم كهربا حديثه: "عبد الله صديق شخصي ولعيب كبير لكن إمام أفضل منه بكتير".