تحدث محمد عواد حارس مرمى الفريق الأول لكرة القدم بنادي الزمالك عن استبعاده من صفوف منتخب مصر خلال منافسات بطولة أمم إفريقيا 2023 المقامة حاليًا في كوت ديفوار.

وقال محمد عواد بعد مباراة فريقه اليوم أمام الرجاء المغربي: "جمهور الزمالك دايما في ضهري وواثق فيا الواحد بيشتغل علشان يسعدهم أوقات الواحد مبيكونش موفق بسبب الظروف والمناخ المحيط بس الجمهور مش فارق معاه غير الملعب والنتيجة أوعدهم نكون قد المسئولية ونبني على الماتش ده".

وأضاف: "الموضوع مش عاوز اتكلم فيه ربنا يوفقهم ويبنوا على اللي عملوه وان شاء الله البطولة تبقى من نصيبنا.. شيء محبط للواحد جدا ان الواحد يشتغل ويجيله فرص كتير جدا يكون في منتخب مصر وميكونش موجود أكيد الواحد بيكون متضايق وبتأثر عليه في النادي وفي شغله".

وأضاف: "أنا جاي الزمالك علشان أكون موجود دايما في منتخب مصر فترات كتير الواحد بيكون الأحق أنه يبقى في المنتخب ومبيبقاش في المنتخب معرفش ايه الأسباب كل الاحترام لكل الأجهزة الموجودة بس شيء مش طبيعي شيء بيضايقني جدا".

واختتم عواد حديثه: "أتمنى أن الواحد يكون له دور الفترة الجاية لأن الواحد فعلا بيبقى محبط جدا لما بيكون خارج القايمة ومعندوش فرصة يمثل منتخب بلده في النهاية بقول الحمد لله مليش نصيب الواحد يبني ويشتغل وان شاء الله يكون ليا نصيب الفترة الجاية".