رد أحمد حسام ميدو المسئول بنادي الزمالك بأن التسجيل الصوتي الذي ظهر عن المفاوضات مع رضا سليم صفقة الأهلي الجديدة كانت في شهر يونيو.وقال ميدو عبر تصريحات لإذاعة ميجا اف ام: "فيه لعيبة الأندية بتجيبها بيبقوا عاوزين يعملوا عليها دوشة مفيش دوشة أحلى من أن ميدو يبقى فيها والزمالك يبقى فيها".وأضاف ميدو: "التسجيل الصوتي كان 18 يونيو ووقتها رضا سليم كان لاعب حر وبعد كده الجيش الملكي جدد معاه، هو لاعب كويس اول ما جدد احنا خرجنا من القصة عشان ميزانية النادي". وأشار ميدو: "بكل بصراحة عندنا اختيارات بأرقام صفقة رضا سليم مع الأهلي، أفضل من رضا سليم ومنقدرش نكشف عن أسماء".وتابع ميدو تصريحاته: "من ضمن الأهداف عاوزين نمضي جناح يمين وشمال كويس أوي وفي حالة غياب مصطفى شلبي يلعب شمال، ولو زيزو يلعب دايرة يلعب هو يمين المواصفات دي مش موجودة في رضا سليم، رضا سليم 80% يمين وبيقل لما يلعب ناحية الشمال وتقييمنا الفني رضا سليم محتاج يكون بيلعب معاه رأس حربة يجيد انهاء العرضيات بشكل جيد".