أكد محمد رضا بوبو، لاعب الفريق الأول لكرة القدم بنادي فيوتشر، أنه كان قريبًا من الانتقال لصفوف النادي الأهلي في وقت سابق.
وقال بوبو خلال حديثه عبر قناة أون تايم سبورتس: "كنت قريب من الانتقال للنادي الأهلي بس كل ده مش بيكون بايدك لوحدك دايما لازم يكون في حاجة مناسبة بينك وبين الإدارة".
وأضاف: "إدارة النادي هي اللي تقرر لأن في الاخر أنا ليا عقد مع النادي فأنا ملزم بالعقد ده.. النادي ده هو اللي فتح بيتي وخلاني اعيش عيشة كويسة اللي عاوزينه أنا معاهم فيه اللي شايفينه صح ليا أنا معاهم فيه".
وعن رغبته في اللعب للنادي الأهلي، قال بوبو: "مين مش هيكون عنده رغبة أنه يلعب للنادي الأهلي نادي في حتة تانية بالنسبة لإفريقيا أكيد أحلم أني ألعب في نادي كبير زي النادي الأهلي ونادي كبير زي نادي الزمالك دول كلهم أندية كبيرة طبيعي أكون نفسي ألعب في نادي كبير صاحب شعبية كبيرة دي هتفرق معايا".
وعند سؤاله على حقيقة انتقاله إلى بيراميدز، قال بوبو: "لسة محدش بلغني من الإدارة بحاجة بخصوص الانتقال إلى بيراميدز".
طالع أيضًا:
من بينهم بوبو.. شوبير يُعلن تفاصيل انتقال ثلاثي فيوتشر إلى بيراميدز واتفاق الأهلي