أدلى عمرو أديب مقدم برنامج الحكاية على قناة ام بي سي مصر بتصريحات تلفزيونية ينتقد فيها تصريحات احمد حسام ميدو التي تنتقده بشكل شخصي.
وقال أديب: "ميدو اللي طلع من كام يوم يقلك اصل انت عندك مشكلة مع مرتضى" "أنا مشكلتي مع مرتضى ابتدت بسببك فاكر ولا أفكرك".
وأضاف: "لما قالك أنا هعلقك من رجليك في الاستوديو لو طلعت مع عمرو أديب فاكر ولا لأ؟ ويوميها انا خدت المسئولية وقلت لا ميدو هيطلع يتكلم".
وواصل: "فاكر يوميها قال عليك ايه؟ بيتعمل فيك ايه؟ فاكر اليوم ده ولا لأ؟انا اتخانقت مع مرتضى من الأول بسببك يا ميدو انهارده جاي تقول انت عندك مشكلة".
واكمل: "طيب انت فاكر بعديها لما كلمتني قلتلي ياعمرو انا هتصالح مع مرتضى أنا مقدرش كل شوية يشتمني وأنا خارج من البلد وداخل البلد كل شوية أنا مش عايز حد يشتمني قلتله خلاص يا حبيبي".
واختتم: "مرتضى ايامها قال هقفل المحطة لو ميدو طلع عندك وطبعا لا هو ولا يتشددله يقدر يقفل المحطة وقال انا جاي اعلقه من رجله اللي كذه وكذه انت انهارده يا ميدو ناسي ايه اللي حصل؟ ربك دلوقت يمهل ولا يهمل كل يوم ربنا بيوريله آية من آياته".