رد السويسري مارسيل كولر، المدير الفني للفريق الأول لكرة القدم بالنادي الأهلي، عن سبب الهبوط الجماعي في أداء اللاعبين خلال مباراة سيراميكا كليوباترا بالدوري.

وتغلب النادي الأهلي على ضيفه سيراميكا كليوباترا بهدف دون رد، سجله حسين الشحات، في المباراة التي جمعت الفريقين مساء يوم الإثنين على ستاد القاهرة الدولي، والمؤجلة من الجولة الـ 27 من الدوري العام.

وقال كولر في المؤتر الصحفي عقب نهاية المباراة، ردًا على سؤال سبب الهبوط الجماعي لأداء معظم اللاعبين وأن سببه قد يكون التفكير في لقاء الوداد: "معرفش، أنا طول الوقت كمدرب بتخطط للمستقبل أو لقدام تركيزي اكتر على الماتش الجاي لعيبتي بتكلم معاهم على اول الموسم على النقطة دي ان تركيزنا يبقى الماتش الجاي بس منبصش اكتر من كدة".

وأضاف: "هما عارفني وعارفين طريقة تفكيري مقدرش ادخل في دماغ اللعيبة ده سؤال يجاوب عليه اللعيبة مش أنا، لكن لما واحد يشوف منظر الفريق بالشكل ده ممكن تبقى الاجابة بالشكل ده".

وواصل: "أنا كنت لاعب كورة وعارف ان ممكن ماتش نهائي زي ده ياخد من تفكيري ابقى خايف على نفسي اني اتصاب وبحاول احافظ على نفسي علشان اخرج من الماتش بدون أي مشاكل".

واختتم كولر حديثه: "أنا محضرتش اللعيبة للماتش بالطريقة دي لكن ده شئ انساني احيانا لاعب الكورة ممكن يفكر يحافظ على نفسه قبل ماتش النهائي وانا واثق اننا قبل النهائي هنكون جاهزين ومستعدين".