أكد اسلام عوض لاعب نادي إنبي السابق أنه كان يواجه نادي الزمالك بحماس أقل في المباريات بسبب انتماءه وتشجيعه للفريق الأبيض.

وقال عوض في تصريحات عبر قناة الحياة أمس الأحد "تلقيت عرض من الأهلي ورفضته لأنني كنت أرغب في الانضمام لنادي الزمالك وفي وجود حسن شحاتة كمدرب واني زملكاوي كمان، كل دي أمور رجحت كفة الزمالك".

وتابع عوض "الفترة دي كانت صعبة وكان صعب تلاقي لاعب عنده عرض من أهلي وزمالك ويروح الزمالك".

وأضاف " لما كنت باجي بلعب ضد الأهلي كان بالنسبالي زي الحرب، اول ماتش ليا في 2006 كنت مع انبي ضد الأهلي وفي اول 30 دقيقة عملت كل حاجة ضد الفريق وفي الوقت ده شوفت حاجات غريبة وكان لينا ضربة جزاء ولم يتم احتسابها وتم طرد دويدار وعرفت ان الامور مش بتكون كورة".

وواصل "احساسي لما كنت بلعب ضد الزمالك مفيش لاعب بيتهاون في لعبه، لكن الحماس مش بيكون زيادة لما بلاعب الأهلي وده جزء منه اني اهلاوي".

مختتمًا تصريحاته "العاطفة كان ليها تأثير، كنت بلعب ولكن مش بنفس الحماس لاني دايما بحس ان الزمالك دايما مظلوم، على طول الزمالك مظلوم ومفيش حد بيساعده".