علق الإعلامي أحمد شوبير على التقارير الصحفية التي ربطت اسم النادي الأهلي بعدد من اللاعبين لضم أحدهم في انتقالات يناير القادمة.وقال شوبير عبر برنامجه صباح اليوم الأحد "الأهلي مش محتاج حد، كتر الكلام ان الأهلي بيفاوض فلان ده مش صح".وتابع شوبير "كلام كتير بيتقال ناقص يقولوا الأهلي هيتعاقد مع حارس مرمى آرسنال وينسوا ان مينفعش تتعاقد مع حارس أجنبي".وأضاف "كل الي بيتقال ده اسمه اجتهادات خاطئة، الأهلي لن يضم أحد في انتقالات يناير المقبلة إلا لو في لاعب واو غير عادي متاح".وواصل "بالنسبة لأشرف بن شرقي لاعب الزمالك، الأهلي لو اتفاوض معاه في يناير هيبقى عادي وحقه ومفيش أي عتاب، لكن حتى الآن مفيش أي حاجة".واختتم شوبير تصريحاته "الله اعلم هيحصل ايه في المستقبل، لكن لحد اللحظة الحالية الكلام غير صحيح ولم يفتح الأهلي اي كلام مع اللاعب أو وكيله".