كشف أحمد حسام ميدو مدرب الزمالك السابق عبر برنامجه أوضة اللبس أمس الأربعاء سبب غضب طارق حامد لاعب خط وسط نادي الزمالك.

وعلى حسابه الرسمي بموقع التواصل الاجتماعي انستجرام اثار طارق حامد الكثير من التساؤلات بعدما كتب عبر «الستوري»الخاصة به مؤكداً ان الجمهور هو من يعرف قيمته بينما المسئولين لا يدركوا القيمة الا بعد فوات الأوان.

وكتب طارق حامد التالي " قد يعرف الجمهور قيمتك جيداً بينما من في موقع المسئولية لا يدركها الا بعد فوات الأوان".

ومن جانبه كشف ميدو السر وراء ما كتبه طارق حامد قائلًا " آخر 48 ساعة الناس الي عاوزة نادي الزمالك يقع اشتغلوا صح، اشتغلوا ع السوشيال ميديا واللجان الالكرتونية والصفحات الي على الفيس بوك الي مشترينها، هيجوا الجمهور على لبيب ومجلس الإدارة".

وتابع "دول كمان دخلوا جوة اوضة اللبس وقالولهم ان حمدي النقاز اخد 600 الف دولار مقدم تعاقد وهو بيمضي عقده مع الزمالك وده كدب وتضليل، حمدي اخد 290 الف دولار".

وواصل ميدو "الناس اشتغلت كويس قوي علشان توقع نادي الزمالك، بيقولوا انهم زملكاوية وهم بيتمنوا ان الزمالك يخسر، طارق حامد عن نفسه زعلان لأن له فلوس وفرق ضرايب التنمية، وعبد الغني ولعيبة تانية ليها فلوس".

وأضاف "كلنا شوفنا الي كتبوا طارق على السوشيال ميديا، معملش كدة من نفسه، في ناس اشتغلت عليه وعلى مخه ان النقاز اخد المبلغ ده كله".

واختتم ميدو تصريحاته "كلمت حسين لبيب قالي محصلش ان النقاز خد 600 الف ، وصلت طارق حامد ولبيب، حسين ارسل لطارق ما يثبت ان الكلام ده كدب وافترا، وطارق اتاكد ان الكلام ده مش مظبوط، المشكلة التانية ان في مشاكل في ضرائب التنمية، ودي ضرائب متفاوتة، حسين لبيب ابلغ طارق في وجودي ان المشكلة دي هيتم حلها الاسبوع القادم".