هاجم إبراهيم عبد الله عضو اللجنة التنفيذية بنادي الزمالك مسئولي اتحاد الكرة واتحاد السلة واتحاد اليد متهمًا إياهم بحرصهم على اهدار حقوق نادي الزمالك.

وقال عبد الله في تصريحات تلفزيونية عبر أون تايم سبورت اليوم الإثنين "الشناوي كان متعاقب 4 مباريات ونزلت لمباراة، امام عاشور في واقعة داخل غرف الملابس تم تصويره خلسة تم عقابه بـ 12 مباراة".

وتابع "انا لا أؤيد الفعل ولا اجرمه، لكن هو راجل، بيحصل في غرف الملابس كتير، قبل كدة الفريق الأول للأهلي اتصور وهو بيشتم الزمالك ومحصلش حاجة".

وواصل عبد الله "بشكل شخصي ارفض ما قام به إمام عاشور، لكن انت كاتحاد الكرة مينفعش تدبحه وتكيل بمكياليين وتخفض عقوبة الشناوي لكن إمام عاشور تقول موصلش تظلم، احنا بعتنا التظلم في الوقت المناسب، فاكس ويد بيد".

وأضاف مسئول الزمالك "ما كنتوا تعدموا امام عاشور أحسن، انتوا وقفتوه نص الدوري، هو قتل حد، ده لو كان بيتخانق مع أحمد مجاهد على ورثه مكنش اتعمل معاه كدة".

وأردف "انتوا فاكرين الزمالك يتيم مالهوش أب وأم يسألوا عليه؟ احنا أكبر قلعة رياضية في مصر شاء من شاء وأبى من أباء".

واختتم إبراهيم عبد الله "شوفوا منتخبات مصر في كل الألعاب فيها كام لاعب من الزمالك، احنا مش عجزة، احنا ناس محترمة بنلتزم باللوائح والقوانين".