يفتخر أحمد حسام ميدو، قائد ومدرب الزمالك الأسبق بمهاجمة الأهلي في ملف التعاقد مع اللاعب محمود كهربا، مُشيرًا إلى أنه خشى من عدم معاقبته من إدارة القلعة الحمراء.
وقال ميدو في تصريحات عبر تطبيق كلوب هاوس :"لماذا لم أعلن عن أزمة كهربا مع موسيماني رغم علمي بها ؟ (وقتها جالي الخبر عن طريق لاعيبة في الأهلي بس مكانش عندي المعلومات الكافية اللي تخليني اتكلم في الموضوع)".
وأضاف :"(قولت استنى لأني عارف إن الأهلي هيطلع بقرار، بس مش عارف المعلومات الكافية.. هو مين اكتر واحد قطّع واشتغل على النادي الأهلي واتكلم على موضوع الاهلي وانه غلط في التعاقد مع كهربا غيري ؟)".
وواصل :"(مين الوحيد اللي اتكلم في القصة دي ؟ مش أنا !.. دي مدرسة إعلامية، مستني الأهلي ياخد القرار لأني كنت عارف الأهلي هياخد قرار بإيقاف كهربا، وبعد ما ياخد القرار اشتغل عليه بقى الشغل بتاعي)".
وأكمل :"مين النهاردة الإعلامي الوحيد قال إن الأهلي غلط بالتعاقد مع كهربا، وانه اتعاقد مع كهربا لحسابات شخصية مع مرتضى منصور ؟ أنا الوحيد اللي اتكلمت في الموضوع ده".
وأتم أحمد حسام ميدو قائلًا :"(مكانش ينفع اتكلم في الأزمة إلا بعد ما الأهلي ياخد القرار، بعد ما الأهلي خد قرار بقيت بتكلم على أرض صلبة.. عرض المشكلة كان ممكن يخلي الأهلي مياخدش قرار ضد كهربا)".