وجه وائل جمعة مدير الكرة السابق بالنادي الأهلي ونجم دفاع الكرة المصرية رسالة قوية لرمضان صبحي لاعب نادي بيراميدز في الموسم المقبل.وقال جمعة في تصريحات عبر برنامج إذاعي يقدمه الإعلامي محمد سعدون الكواري "الأهلي هو الي عملك يا رمضان، انت متربي في الأهلي من وانت عندك 8 سنين، لما فكرت تحترف احترفت من خلال الأهلي وانت مكنتش لسة عملت حاجة للنادي".وأضاف "طلعت احترفت وقدمت فترة سيئة في إنجلترا، الأهلي هو الي رجعك تاني وخلاك تبقى لاعب ولمعك من جديد، فتقرر تطعن النادي الي عملك وتروح تتفاوض مع نادي تاني بعد ما أكدت لمسئولي الأهلي انك مكمل؟".وتابع جمعة "الأهلي اتعامل معاك انك ابنه وعرض عليك فلوس كتير وانت عندك 26 سنة، مينفعش تفكر انك تلوي دراع الأهلي، أنا عارف كل تفاصيل المفاوضات الي الأهلي قدمها له بعرض خيالي لم يحصل عليه أي لاعب سابق".وأختتم وائل جمعة تصريحاته "بعد كل ده تروح تتعاقد مع نادي تاني في نفس الدوري مش دوري خليجي أو دوري أوروبي، دي كانت طعنة واعتبرها خيانة منك للأهلي".