علق إكرامي الشحات نجم النادي الأهلي السابق في حراسة المرمى على بيان نجله شريف حارس مرمى القلعة الحمراء الحالي والذي قرر خلاله الرحيل عن صفوف الفريق بنهاية الموسم الحالي تزامنًا مع نهاية عقده.
وقال إكرامي في تصريحات لبرنامج مساء دي إم سي أمس الأحد "أقسم بالله العظيم ولا كنت أعرف حاجة عن الي مكتوب وعرفته زيي زي لناس، عرفت الي اتكتب من بنتي وزوجتي في إنجلترا، بنتي قالتلي الحق شريف كتب كذا كذا وقعدت تقولي الي مكتوب، كنا متأكدين ان شريف كتب الكلام ده وهو بيعيط وبيبكي".
وأضاف "شريف قافل تليفونه ومش عارفين نوصله، إحنا كأهله عرفنا القرار ده زينا زي الجماهير، احنا في حالة ذهول من الي كتبه شريف، هو متعود يفكر كويس قبل أي قرار ومش بياخد قرارات انفعالية ولما بياخد قرار بيكون نهائي".
وأستكمل الشحات "شريف متكلمش معايا في أي حاجة والله عن إنه بيلعب او مش بيلعب، عمرنا ما بنتكلم مع الجهاز الفني ونسأله أنا مش بلعب ليه، وإبني كان داعم للفريق داخل وخارج الملعب حتى وهو على دكة البدلاء آخر سنتين".
متابعًا "شريف له كيان وشخصية مستقلة، وانا بحترم تفكيره وأسلوبه في اتخاذ القرارات، لازم اقعد معاه الأول وأعرف المبررات الي اخدها علشان يعلن قرار زي ده، لو أسبابه مقنعة هوافقه الرأي، ولو مش مقنعة هقوله اني مش موافق على القرار الي اخده".
وأختتم والد شريف إكرامي تصريحاته "الدكة قاتلة بالنسبة لأي لاعب، خصوصًا لما بيكون شايف انه قادر يلعب وانه كان الحارس الأساسي للأهلي في السنين الي فاتت".