أدلى رئيس نادي الزمالك بتصريحات تلفزيونية غاضبة ضد عدد من لاعبو الفريق الأول بعد تغيبهم عن بداية معسكر الاعداد بقيادة خالد جلال المدير الفني الجديد.

وقال: من غاب أول يوم عن المعسكر وهم كهربا والنقاز وحميد احداد ومحمد ابراهيم واوباما تم خصم 300 ألف جنيه عنه و100 ألف جنيه في اليوم الثانية وقد وصل ابراهيم واوباما فقط في اليوم الثالث ولم يأتي باقي المتغيبين وستوقع عقوبة 100 ألف جنيه عن كل يوم.

وأضاف للثلاثي المتغيب: "اللي عنتر فيكوا يجيبلي عرض انا معنديش لاعب عنده عرض ولا لاعب وانا اللي احدد السعر ومحدش يلوي دراع الزمالك" ولدينا معارين بنفس المستوى ان لم يكونوا أفضل " انتوا فاهمين غلط فاللي هييجي يتمنظر على نادي الزمالك هيتقطع رقبته ويقعد يتخصم منه لغاية ما يبطل كورة."

وأكمل: تقييمي لسعر كهربا هو 4 مليون يورو للاعارة و20 مليون يورو للبيع ولو أتى به سأدعه يرحل فورا ولكن هو يستفز الناس بصوره في الساحل بينما زملائه في التمرين وعقده ممتد 5 سنوات وكل سنة قيمتها مليون جنيه.

وأضاف: "الأخ حميد بيقولوا أنه بيتجوز امال الست هانم اللي كانت معاك دي مين مش قلتلي انها زوجتك ؟ بيقلك لا ده كان كتب كتاب وزفه" كان عليه الاستئذان من رئيس جهاز الكرة والمدير الفني ثم العرض على الادارة للموافقة أولا.

واختتم: "الأخ التالت اللي اسمه حمدي النقاز يا استاذ حمدي احنا وقفنا معاك في حاجات كتير المرور والقضايا.. قصة انك قاعد في تونس علشان ضهرك بيوجعك لا يا بابا واضح انك مش عارف الزمالك ولا مين رئيس نادي الزمالك."