كشف أحمد يحيى وكيل أعمال محمود عبد المنعم كهربا لاعب الفريق الأول لكرة القدم بالنادي الأهلي، عن حقيقة طلبه تقسيط مبلغ الغرامة المستحقة لصالح نادي الزمالك.

وقال يحيى خلال حديثه عبر قناة أون تايم سبورتس: "عقد كهربا مع الزمالك كان في مشكلة في توقيت التوثيق وعقد قديم شوية ولغبطة وصلت العلاقة بينه وبين نادي الزمالك لطريق مسدود".

وأضاف: "موضوع انتقال كهربا للنادي الأهلي مكانش خطة مرسومة هو كان عنده مشكلة واتحرك ولما راح البرتغال النادي كان في مشاكل جامدة جدا حتى بعد ما هو سابه النادي أعلن إفلاسه.. كان وقتها العرض الوحيد اللي قدامه الأهلي".

وعن الغرامة المستحقة لصالح نادي الزمالك، قال أحمد يحيى: "الموضوع ده هيخلص هيخلص عاجلًا أم آجلًا".

واختتم أحمد يحيى حديثه: "كهربا متفاوضش مع حد خالص ومقالش عاوز اقسط ولا عاوز ادفع بالمصري الحوار ده بيني أنا وبين المحامي ومحامي النادي".