علق محمد إبراهيم، حارس مرمى الفريق الأول لرجال كرة اليد بالنادي الأهلي، على واقعة سبه من أحد مشجعي نادي الزمالك، عقب نهاية مباراة كأس السوبر المصري التي أقيمت اليوم بالإمارات.

تمكن الأهلي من التتويج بلقب كأس السوبر المصري لكرة اليد، وذلك بعد الفوز على غريمه التقليدي الزمالك بنتيجة 26-24.

وذكر محمد إبراهيم الشهير بـ ميحا عبر صفحته الشخصية على فيسبوك: "الحمدلله على بطولة السوبر لاول مرة في تاريخ النادي الأهلي و الف مبروك لجمهور النادي الأهلي و لكن وجب التوضيح بخصوص اللي حصل بعد الماتش منعاً لاثارة الفتن و بدون ما حد يستغل موقف معين هو مش فاهمه عشان يعمل بروباجندا."

وأضاف: "انا الحمدلله بقالي ٢١ سنة بلعب كرة يد و عمري ما عملت مشكلة في حياتي و بحترم الصغير قبل الكبير و عمري ما غلطت في حد لا جوة الملعب ولا برة الملعب و لاعيبة الزمالك نفسهم عارفين الكلام ده لكن ان في حد بين الشوطين و الملعب كله ساكت ينزل لاخر المدرج و يندهلي و تكون عينه في عيني و يشتمني انا و امي بابشع و اقذر الالفاظ فدي قلة ادب و قلة رباية و لو الموقف اتعاد ١٠٠ مرة هعمل اللي عملته ١٠٠ مرة يا اما يبقى عيب عليا."

وواصل: "انا لو الصالة كلها بتشتمني مش هتكلم لكن واحد قليل الادب ينزلي مخصوص و كله ساكت و الملعب كله اسر محترمة و يعمل كده فده يستاهل اكتر من كده و رغم تحذير الامن ليه هو برده مسكتش و هو ده الشخص اللي انا روحتله بعد الماتش و اظن اني مغلطتش فيه و احد الافراد من اللجنة المنظمة كان عايزني اشتكي عشان يجيبله الشرطة و انا رفضت عشان الموضوع ميكبرش."

واختتم: "و فعلا شكراً جمهور الأهلي اللي ساندنا طول الماتش على اد مايقدر."