تحدث محمد شريف لاعب الفريق الأول لكرة القدم بنادي الخليج السعودي، عن أسباب رحيله عن النادي الأهلي خلال فترة الانتقالات الصيفية الماضية.
وقال شريف خلال حديثه عبر قناة إم بي سي مصر: "أنا مفتقد النادي الأهلي، بس كان لازم أمشي علشان كنت حاسس أن مش هيبقى ليا الدور الفترة الجاية".
وأضاف: "كنت حاسس أني لو قعدت أكتر من كدة الموضوع كان هيبقى صعب بالنسبالي، كان نفسي أكمل أكتر من كدة بس ممكن الناس متبقاش فاهمة ده بس أنا كان نفسي أكمل بس مكانش ينفع أكمل".
وواصل: "كنت عاوز أطلع من الأهلي وأنا نجم وهداف الفرقة".
وأردف: "أنا بالنسبالي لو رجعت مصر الأولوية هتبقى للنادي الأهلي مفيش حاجة اسمها أرجع على نادي تاني أول حاجة أنا اللي هكلم النادي لو رجعت مصر لو الأهلي مش عاوزني هبص على العروض التانية".
وعند سؤاله عن حقيقة أن الزمالك تحدث مع وكيل أعماله، رد شريف ضاحكًا بأنه لا يعرف شيئًا عن هذا الأمر.