حدد السويسري مارسيل كولر المدير الفني للفريق الأول لكرة القدم بالنادي الأهلي، شروط عودة محمود عبد المنعم كهربا للمشاركة أساسيًا مع الفريق مرة أخرى.
وقال كولر أن محمود كهربا أصبح رقم 3 بالنسبة له بسبب أداء أنتوني موديست، ووسام أبو علي الجيد خلال الفترة الأخيرة.
كولر يصدم كهربا بسبب أداء موديست ووسام أبو علي
وقال كولر: "أنا قلت لكهربا عشان خاطر ترجع تاني لازم محتاج تركز في التمرين اكتر تتمرن أحسن تبذل مجهود اكتر لأن الاتنين التانيين اللي معاك اللي بينافسوك على مكانك "موديست، ووسام أبو علي" بيجيبو أجوان حاليا وبيقدوا أداء كويس جدًا".
وأضاف: "فعشان تقدر تاخد مكان حد بيلعب وبيشارك وكويس لازم تبذل مجهود أكبر من كدة احنا عندنا ماتشات كتير جدا عندنا ضغط ماتشات في ناس بتتوقف.. في إصابات لا قدر الله فأكيد هيلعب الفترة الجاية".
وأكمل: "لازم كهربا يعمل اكتر من كدة في التمرين.. لازم يبقى في جدية أكتر وهو بصراحة الكام تمرينة اللي فاتوا كهربا بيأدي كويس جدا وبيجتهد جدا في التمرين يعني هو مش بعيد".
واختتم كولر حديثه: "لكن هي في ايديه هو.. ان هو يدي اكتر.. في الآخر هو قراري انا بقرر مين أكتر 2 اقدر اخدهم معايا ويساعدوني في الماتش الجاي".