كشف أحمد شوبير الإعلامي بقنوات أون تايم سبورتس، عن موقف صادم من فيتور بيريرا رئيس لجنة الحكام بالاتحاد المصري لكرة القدم، مع الحكم محمد الحنفي.وقال شوبير خلال حديثه عبر إذاعة أون سبورت: "محمد الحنفي كان عنده اختبار جري من شهر أو أقل من شهر وبيريرا مش بيحبه ومش مقتنع بيه ومش شايفه حكم كويس كل ده أنا معنديش مشكلة فيه".وأضاف: "لكن أنت حددتله ميعاد أنه يجي يجري الاختبار فمحمد الحنفي أول لما دخل بيريرا قاله أنت ايه اللي جايبك؟ قاله أنت بعتلي علشان أجري قاله لا أنا مش عاوزك تجري قاله طب أجري نجاحك زي سقوطك مش هيفرق معايا حاجة خالص بس كمان لو منجحتش في اختبار الجري مش هخليك تحكم VARكمان".واختتم شوبير حديثه: "تخيلوا واحد جاي يجري ورئيس اللجنة بيقوله كدة هيجري ازاي؟ هل ده كلام ينفع ويتقال؟ هل ده كلام حد يقتنع بيه؟ كلام ملوش لزمة وكان من العيب أنه يتقال".