كشف أحمد شوبير الإعلامي بقنوات اون تايم سبورتس، عن تطورات جديدة في مفاوضات النادي الأهلي، مع مودرن فيوتشر للتعاقد مع عمر كمال عبد الواحد خلال فترة الانتقالات الشتوية المقبلة.

وقال شوبير خلال حديثه عبر إذاعة أون سبورت: "آخر حاجة بين مودرن فيوتشر والنادي الأهلي.. الأهلي عنده مشكلة في الإعارات لأن اللايحة اللي اتعملت أن كل نادي عنده حد أقصى 7 لعيبة إعارة".

وأضاف: "مودرن فيوتشر طلب خالد عبد الفتاح بعد ما كانوا 3 لعيبة وقفوا على لاعب واحد و7 مليون جنيه مصري علشان الموضوع ينتهي في شهر يناير".

وأكمل: "لجنة التخطيط في النادي الأهلي شايفين خالد عبد الفتاح لاعب جيد وبيفيد النادي الأهلي وجوكر بيلعب في أكتر من مكان".

واختتم شوبير حديثه: "كابتن محمود الخطيب قالهم اقعدوا عيدوا حسابتكم وأداهم مهلة لحد يوم الاتنين اللي هو بكرة، وبعدها يشوفوا الدنيا شكلها ازاي".