قال سيد معوض أن موسم الأهلي استثنائي بحصد كل البطولات تحت قيادة كولر الذي يعمل لأول مرة في أفريقيا والمنطقة العربية.

وأوضح معوض في تصريحات عبر فضائية ETC : "انك تكون جايب مدرب جديد اول مرة يشتغل في أفريقيا والمنطقة العربية الفترات الأولى يتعرف على الفريق كسب كل البطولات وكسب المنافس تلاتة وأربعة".

وأضاف معوض: " النهارده مفيش دوافع للفريق، بعض الجمهور الأهلاوي زعلان ان الفريق كسب أربعة بس، موسم استثنائي للجيل والفريق ده بسبب القرار التاريخي بإراحة اللاعبين بنهاية الموسم الماضي".

وعن الزمالك فقال معوض: "عندي مشكلة ان في الزمالك محدش بيقول انا غلطان أي حد غلطان إلا أنا، حتى لما الفريق كسب ماتشين تلاتة خلاص انت طرت بالفرقة احنا جيبنا مدرب عالمي بنلعب بلعيبة عالمية بنلعب بطريقة، روحت في حتة أصلا وانت على أرض الواقع انت مش عايش في الواقع بتاعك انت ما بتعملش كده".

وتابع معوض: "انا كأهلاوي مبسوط ان البنا حسب ضربة جزاء بعد الماتش كان هيقولك دي ازاي ما اتحسبتش وهتبقى مبرر".

واختتم معوض تصريحاته: "ايه اللي وصل لعيبة الزمالك لكده، انت كل مرة، على فكرة ده سحر على فكرة التيشيرت ده نحس علينا على فكرة ده مش عارف ايه، انا كلعيب استسهلت الموضوع أصلا ان فيه حجة على فكرة فيه لعيبة دوليين بيقولوا كلام للإدارة انا بانزل الملعب مش شايف انتم بتهزروا يا جماعة؟ مين اللي وصل للعيبة كده؟".