علق طارق يحيى على التقارير الصحفية التي أكدت توقيع أحمد أبو الفتوح لتجديد تعاقده مع الزمالك الفترة المقبلة قبل نهاية تعاقده.وقال طارق يحيى نجم الزمالك السابق في تصريحات عبر إذاعة اون سبورت اف ام: " أنا في الزمن ده ما بضمنش حد، انا اضمن اللعيب لما يمضي معايا يبقى بتاعي، لسه ممضاش يبقى مش بتاعي لسه في الهوا".وأضاف طارق يحيى: " الولاء والإنتماء مات من زمان بنحاول نصحي فيه بس الجمهور بيعاني وبياخد الصدمة ورا التانية ورا الثالثة أي جمهور مش جمهور الزمالك بس".وتابع طارق يحيى: "تلاقي اللاعيب مترمغ في النادي بيبوس الشعار وتلاقيه فجأة خد فانله خضراء أو صفراء او لون تاني القصة بقت صعبة والمال المتحكم الرئيسي، كل اللاعيبة اللي غادرت الزمالك عشان الناحية المادية أكتر مفيش أكتر من الإثنين الناشئين اللي كانوا أبهاتهم كباتن الزمالك انتقلوا لأي اندية أخرى عشان هنا اعلى من هنا ومش عشان الاستقرار".