ألمحت قناة الزمالك لوجود أسباب (غريبة) على حد وصف طارق يحيى مقدم البرامج بقناة نادي ميت عقبة، تسببت في هزيمة الفريق اليوم أمام فاركو.

وخسر الزمالك أمام فاركو بثلاثة أهداف دون رد، في المباراة التي جمعت بينهما مساء اليوم الإثنين، ضمن منافسات الأسبوع السابع عشر من بطولة الدوري الممتاز.

وقال طارق يحيى خلال حديثه عبر قناة الزمالك: "فاركو معملش اي اداء يخليه يكسب بهذه النتيجة الكبيرة.. الهدفين الاول والتاني الاول انا اتزحلقت اديت الكرة للراجل المهاجم.. التاني الراجل شايطها من بعيد".

وأضاف: "حاجات غريبة حصلت انهاردة احنا خلقنا فرص لكن كل الفرص ضاعت وكل الكور غير المتوقعة دخلت فينا".

وأكمل: "في 3 أو 4 لعيبة انهاردة انا حاسس انهم فاكر ماتش كوماسي كنت في الماتش قاعد احتياطي جبنا جول في اول دقيقتين اللعيبة بعدها دخلت في غيبوبة".

وأتم طارق يحيى حديثه: "في شئ غير طبيعي بيحصل.. اللي بيحصل في ارض الملعب غير طبيعي وغير منطقي فريق مراحش غير لجول الزمالك مرة واحدة يجيب 3 اجوال وانت روحت 4 5 مرات متجيبش ولا جول ده غير الزحلقة".