وجه محمد بركات نجم الأهلي السابق رسالة إلى لاعبي الفريق الحالي قبل مواجهة صن داونز في إياب ربع نهائي دوري ابطال افريقيا.
وقال بركات في تصريحات تلفزيونية لقناة الأهلي عصر الجمعة "احنا في موقف صعب، وأنتم كلاعبين الي حطيتوا نفسكم في الموقف ده، أنتم مطالبين بكرة انكم تثبتوا انكم رجالة، بإمكانياتكم ومهاراتهكم قادرين على الدفاع باسم الأهلي".
متابعًا "أنتم السبب في هذا الموقف الصعب وأنتم الحل في الخروج منه بالرد في الملعب، مش بتكلم اننا نكسب 6-0 انا بقول ننزل نلعب لعبنا الي يليق باسم الأهلي والي يريده ربنا يكون".
وأستكمل الزئبقي تصريحاته "مكنش في رد أي فعل من اللاعبين في الملعب خلال اللقاء وهذا غريب، الي حصل ده ممكن يحصل كل 30 سنة، انت مطالب تجيب 6 – 0 ولكن الأهم أنك تقدم نفسك وتدافع عن إسم الأهلي وتقول للجميع ان الخسارةكانت عابرة، كان يوم للنسيان".
مضيفًا "صن داونز جاب فينا 5 أهداف، ايه المشكلة إنك تجيب انت كمان 5؟ اعمل ماتش كبير وقول للناس والجمهور الي زعلان منك أنا موجود، لازم تعرفوا وتقدروا قيمة تي شيرت الأهلي، قدمت ايه للجمهور علشان يكون راضي عنك؟".
مختتمًا تصريحاته "مش مستني أوجه رسائل للجماهير، الجماهير عارفة دورها واحنا حافظين دور الجمهور".